Башкортстан татарлары милли-мәдәниавтономиясе башлангычында оештырылган “Ике аккош” музыка фестиваль-бәйгесе быелдүртенче тапкыр оештырыла. Билгеле булуынча, бәйге пар аккошлардай соклангыч шәхесләр– Башкортстанның һәм Татарстанның халык артисты, Татарстанның Габдулла Тукайисемендәге дәүләт премиясе лауреаты Фәридә Кудашева (1920-2010) һәм күренеклеаккордеончы, композитор, РСФСРның атказанган, Башкортстанның халык артисты БәхтиГайсин (1930-1991) иҗатына багышлана.

Шушы көннәрдә Авыргазырайонында уен коралларында уйнаучылар ярышы узды. Бәйгедә Рәүф Хөснуллин (Күгәрченрайоны), Рамиль Мөлеков (Авыргазы районы), Таһир Шаһивәлиев (Уфа районы), НаилИшбулатов (Бүздәк районы) җиңүчеләр дип табылды. Күмәк чыгышлардан Дүртөйлемузыка мәктәбе укытучылары ансамбле, Авыргазы районы күпмилләтле «ТОСМА»баянистлар ансамбле, Бүздәк районы гармунчылары коллективы, шулай укР.Гыймранов һәм Н.Вәлиев (Гафури районы), Г.Газиев һәм Ф.Гайсин (Авыргазырайоны) дуэтлары җиңүчеләр Дипломына лаек булдылар. Иң яшь чыгыш ясаучы –Авыргазы районыннан13 яшьлек Эрнест Латыйпов катнашты һәм сертификат белән бүләкләнде.

Бәйге соңында виртуозмузыкант, оста аккомпаниатор Бәхти Гайсин иҗат иткән әсәрләр халык күңелендә олыбер хазинә булып саклана, аның «Ике аккош», «Көтүчеләр» һ.б.ш. көйләре үлемсез,дигән нәтиҗә ясалды.

Җиңүчеләрне жюри рәисе, Башкортстанныңһәм Татарстанның халык артисты Айдар Галимов тагын бер кат котлап, ФәридәКудашева репертуарыннан «Таулар юлы» җырын башкарды. 

Бәйгенең икенче – ФәридәКудашевага багышланган җыр – өлеше 23 ноябрь көнне Чишмә районы Чишмәкасабасында сәгать 11.00 башлана. Җиңүчеләрнең йомгаклау концертын 2 декабрь көннеУфада Х.Әхмәтов исемендәге Башкорт дәүләт филармониясенең зур залында үткәрү планлаштырылган.

Бәйгене оештыруда зур тырышлыккүрсәткән Башкортстан Республикасы Мәдәният министрлыгына, Халыклар дуслыгыйортына, Башкортстан халыклары ассамблеясенә, Авыргазы һәм Чишмә районнарыхакимиятләренә рәхмәт белдерәбез.