Национально-культурная автономия татар Республики Башкортостан Башкортстан Республикасы татарлары милли-мәдәни автономиясе
Галимҗан Ибраһимовның тууына – 130 ел24.03.2017 | Новости
Авыргазы районының Солтанморат авылында татар халкының бөек улы Галимҗан Ибраһимовның тууына 130 ел тулуга багышланган тантаналы чара үтте.

Казаннан, Уфадан, Стәрлетамактан килгән кунакларны тәүдә район хакимияте башлыгы Зөфәр Идрисов үзенең эш бүлмәсендә кабул итте. Әлеге юбилейга килгән язучылар, галимнәр очрашу-сөйләшү барышында район хакимияте башлыгына китапларын бүләк иттеләр.


Кунаклар бөек шәхесне дөньяга биргән, аның хакында изге хатирәләр саклаучы Солтанморат авылына дулкынланып аяк бастылар. Әдипнең һәйкәленә чәчәкләр салганнан һәм аның йорт-музеен карап чыкканнан соң янәшәдәге мәдәният йортына юл тоттылар.


Районның мәдәният бүлеге җитәкчесе Риф Вәлиев, Солтанморат авылы хакимияте башлыгы Лена Мөхәммәдиярованың кыскача чыгышларыннан соң килгән кунакларга сүз бирелде. Татарстанның халык шагыйре Роберт Миңнуллин, филология фәннәре докторы, профессор, Г.Ибраһимов исемендәге Тел, әдәбият һәм сәнгать институты директоры, Татарстан Фәннәр академиясенең мөхбир әгъзасы Ким Миңнуллин, М.Акмулла исемендәге Башкортстан дәүләт педагогия университетыннан һәм БДУның Стәрлетамак филиалыннан кафедра мөдирләре Илшат Насыйпов белән Илсур Мансуров, язучының туганнары, һ.б. бөек якташыбыз хакында фикерләре белән уртаклаштылар.

Башкортстан татарларының милли-мәдәни автономиясе рәисе исеменнән рәис урынбасары Альбина Хәлиуллина чыгыш ясады һәм котлау адресы тапшырды.


Очрашу җыр-моң, шигырьләр һәм биюләр белән аралаштырып алып барылды.




Пока никто не прокомментировал эту новость...

Добавить комментарий


Внимание Комментировать статьи на сайте возможно только в течении 30 дней со дня публикации.


Новости наших друзей
27.11. 2021: "Башкортстан спорт үсеше буенча илдә икенче урында"
"Бүген безгә Русиянең спорт министры Олег Матыцин, шулай ук Дәүләт думасының Физик культура һәм ...
27.11. 2021: "Башкортстан - спортны үстерү буенча алдынгы төбәк"
Бүген Башкортстан Республикасына Идарә итү үзәгендә Русия Дәүләт думасының Физик культура, спорт, ...
27.11. 2021: Картлар йортыннан чыгаралармы?
— Әгәр сезнең туганыгыз суд тәртибендә үз-үзен хезмәтләндерергә сәләтсез дип табылмаса, ул ...
27.11. 2021: Республика зур спорт чараларын кабул итәчәк
Дәүләт думасы комитетының күчмә утырышында комитет әгъзалары, шулай ук Русия спорт министры Олег ...
27.11. 2021: Башкортстан - спорт үсеше төбәге
Башкортстан ЦУРы республиканың спорт тарихының бер өлешенә әверелде - Уфада бүген Русия Дәүләт ...
27.11. 2021: Киләсе елга 200 йорт ихатасы төзекләндереләчәк
"Киләсе елда без 200 йортны төзекләндерә алачакбыз, бу быелга караганда 60ка күбрәк. Безнең бюджет ...