«Татар кызы», «Татар малае» бәйгесе Нефтекама шәһәрендә быел беренче тапкыр үткәрелде. Чараның максаты изге – сабыйларыбызда кечкенәдән туган телебезгә карата сөю тәрбияләү.
Бәйгедә катнашырга теләүчеләрдән барлыгы 43 эш кабул ителде.
Балаларның татарча сөйләшүен, артистизмын, видеоязманың сыйфатын искә алып, җыелган баллар нәтиҗәләре буенча, икенче турга 12 бала сайланып алынды.
«Татар малае-2024» ,«Татар кызы-2024» исемен яулар өчен көч алты малай һәм кыз көч сынашты.
Конкурсантлар икенче турда үзләренең осталыгын күрсәтте, кемдер татарча җырлады, кемдер биеде, шигырь сөйләде. Аларның чыгышын мәртәбәле жюри бәяләде.
Ачык, чагу, матур чыгышлардан торган чара мәктәпкәчә тиклем балалар арасында Самина Суфиянова һәм Әмир Нуршовның җиңүе белән тәмамлады. Нәкь алар «Татар кызы-2024» һәм «Татар малае-2024» исеменә лаек булды!
Ә инде мәктәп укучылары арасында бу исемне Ясминә Хәбибова һәм Мансур Нафиков яулады! Алар барсы да искиткеч сәләтле, тырыш, уңган, булдыклы балалар. Сәминә, кечкенә булуына карамастан, өздереп җырлый, Ясминә - оста биюче. Мансур – күпкырлы талант иясе: үзе бии, үзе җырлый, үзе спортчы. Ә инде кечкенә Әмир сәхнәгә бию белән чыкты, киләчәктә дә биюче булырдыр. Җиңүчеләр һәм конкурсантлар барсы да Дипломга һәм истәлекле бүләккә лаек булды. Ә гран-при ияләренә халкыбызның милли символы булган чиккән калфак һәм түбәтәй тапшырылды. Аларны конкурс өчен шәһәр остасы, татар Үзәге активисты Зинидә Фәйзуллина махсус әзерләде.
Чараны оештыручы Нефтемакама татарлары милли-мәдәни автономиясе җитәкчесе Гөлнара Гыйлемхановага зур рәхмәтләребезне җиткерәсе килә.
Милләт хакына башкарган зур эшләрегез өчен рәхмәт!