"Милләт җанлы китапханәче Әминә апа Каюмова чакыруы буенча Миякә районы Әнәч авылында калфак тегү буенча мастер-класс үткәрергә насыйп булды. Инде ничә калфак теккәнемне санамаган кебек, моңа охшаш остаханәләрнең дә санын исәпләгән юк. Эш санда гына да түгел. Баштарак, мастер-класслар вакытында калфак белән таныштыру, аны бүгенге көндә киеп йөрер өчен кызыксындыру уятуга күбрәк көч салына иде. Ә бүгенгесендә калфак тегүнең нечкәлекләренә тукталдык. Чарага килүчеләрнең күбесе үзләре дә калфакны тегеп караганнар. Шуңа күрә дә бер-беребезне аңлап эш иттек. Бик җанлы, ихлас, чын мәгънәсендә тәҗрибә уртаклашу булды. Чарада мәктәп укучыларының катнашуы, тагын да сөендерде", - дип сөйләде Зөһрә Исламова.