Национально-культурная автономия татар Республики Башкортостан Башкортстан Республикасы татарлары милли-мәдәни автономиясе
Марат Шәрипов туган көнен театрда билгеләде30.03.2017 | Новости
26 мартта Башкортстан дәүләт опера һәм балет театрында солист Марат Шәриповның бенефис спектакле узды. (Бу көнне аңа 55 яшь тулды.) Икенче бүлектә Сергей Рәхманиновның бер актлы “Алеко” операсы яңгырады. Төп партияне юбиляр башкарды. Дирижеры Фәрит Идрисов булды.

Юбилейга Марат Шәрипов зур иҗади багаж белән килгән. Ул Татарстанның — халык, Башкортстанның атказанган артисты, халыкара һәм Бөтенрусия конкурслары лауреаты, филология фәннәре кандидаты, Башкортстан дәүләт университеты доценты, “Рамазан” төрки милли-мәгариф үзәге җитәкчесе... Бу да әле тулы исемлек түгел! Яңа гына ул Татарстанның Муса Җәлил исемендәге дәүләт премиясе иясе булды.

Марат Сабит улы - 2001 елдан Башкортстан дәүләт опера һәм балет театры солисты. Бүген аның репертуарында уннан артык партия исәпләнә. Камера музыкасын да үз итә. Классик романслар, халык җырларын, башкорт һәм татар композиторлары иҗат иткән җырларны башкара. Шулай ук, Муса Җәлил исемендәге Татар академия дәүләт опера һәм балет театры постановкаларында да катнаша.

Марат Шәрипов — максималист. Филологиядә дә, музыкада да, җәмәгатьчелек эшләрендә дә ул җиренә җиткереп эшләргә күнеккән. Сан артыннан түгел, сыйфат артыннан куа. Яңа проектлар һәм хыяллар белән яши. Аны без дә күркәм гомер бәйрәме белән тәбрик итәбез!

Источник: http://kiziltan.ru/kultura/5311-marat-shripov-tugan-knen-bilgelde.html



Пока никто не прокомментировал эту новость...

Добавить комментарий


Внимание Комментировать статьи на сайте возможно только в течении 30 дней со дня публикации.


Новости наших друзей
25.06. 2022: Сибайда - яңа хакимият башлыгы вазыйфаларын башкаручы
25 июньдә Сибай шәһәр округы хакимиятендә шәһәр Советының XXII утырышы булып узды. Чарада ...
25.06. 2022: “Барысы да сыйфатлы һәм вакытында башкарылсын”
25 июньдә Башкортстан Хөкүмәте Премьер-министры Андрей Назаров Сибайга эш сәфәре барышында социаль ...
25.06. 2022: 14 яшьлек кыз поезд астына эләккән
Башкортстанда 24 июнь кичендә 112 системасына тимер юлда үлем очрагы турында хәбәр килгән. ...
25.06. 2022: Укырга кая барырга?
Агымдагы елда абитуриентлар югары уку йортына керергә документларын берничә ысул белән тапшыра ала: ...
25.06. 2022: Коронавирус йоктыручылар артамы?
Тәүлек эчендә янә 52 якташыбызда инфекция ачыкланды. Әле республика дәваханәләрендә 120 кеше ...
25.06. 2022: Мәдәният йорты — мәдәни тормыш үзәге
2019 елдан 2024 елга кадәр Русиядә Президент Владимир Путинның май указлары белән расланган ...