Национально-культурная автономия татар Республики Башкортостан Башкортстан Республикасы татарлары милли-мәдәни автономиясе
«Тукай моңнары» Республика конкурс-фестиваленең җиӊүчеләре билгеләнде.27.04.2021 | Новости
26 апрель көнне Уфа «Нур» татар дәүләт театрының зур залында Башкортстан татарлары милли-мәдәни автономиясе тарафыннан тугызынчы ел рәттән оештырылып килгән «Тукай моңнары» Республика конкурс-фестиваленең җиӊүчеләре билгеләнде. Театр бинасы иртәдән башлап Тукай геройлары белән яшәде, укучылар ялкынланып-ялкынланып Тукай сүзен, Тукай хисләрен җиткерергә тырыштылар. Башкортстанныӊ һәм Татарстанныӊ атказанган артисты Мәхмүт Фатыйхов җитәкчелегендәге жюри өч төркемгә бүленеп укучылар чыгышын карады. Беренче турга килгән 800 якын видеоязмадан 70 конкурсант икенче турга үтте һәм алар театр сәхнәсендә үзләренеӊ сүзгә осталыгын күрсәтте. Җиӊүчеләрне котлау тантанасына Тукай геройлары – Су анасы белән Шүрәле дә килгән иде. Укучыларныӊ чыгышлары белән бергә “Нур” татар дәүләт театры артистлары катнашлыгында “Яздан аерып булмый Тукайны” дип исемләнгән җырлы-моңлы тамаша күрсәтелде.
Шулай ук театр каршындагы мәйданда шигърият бәйрәме узды. Бөтендөнья татар конгрессының Башкортстандагы вәкиле Альфред Дәүләтшин Башкортстанның Дәүләт җыелышы-Корылтай депутаты, Башкортстан татарларының милли-мәдәни автономиясе рәисе Римма Үтәшевага Бөтендөнья татар конгрессының “Татар милләтенә күрсәткән олы хезмәтләре өчен” медален тапшырды. Тантана ахырында Тукай һәйкәленә чәчәкләр салынды.



Пока никто не прокомментировал эту новость...

Добавить комментарий


Внимание Комментировать статьи на сайте возможно только в течении 30 дней со дня публикации.


Новости наших друзей
29.09. 2022: Дәүләт экспертизасы төзелештәге хаталарны кисәтә
Шуларның 2642се - проект документациясе һәм инженерлык тикшеренүләре нәтиҗәләре экспертизасына, 29 ...
29.09. 2022: Премьер-министр урынбасары да Украинага юллана
"Республика Хөкүмәте Премьер-министрының беренче урынбасары Азат Шамил улы Бадранов махсус хәрби ...
29.09. 2022: Исән-имин әйләнеп кайт, Марат Миңнегалиевич!
Марат Миңнегали улы - запастагы лейтенант, ул бүген махсус хәрби операция зонасына җибәрелә. Хәрби ...
29.09. 2022: Иртәгә дә митинг-концертка килегез!
Иртәгә Уфаның Салават Юлаев исемендәге мәйданында, «Торатау» Конгресс-холлы янында ...
29.09. 2022: Товарларның интерактив картасын файдаланыгыз!
Башкортстанның Көндәшлек сәясәте буенча дәүләт комитеты тарафыннан товарлар, эшләр һәм хезмәтләр ...
29.09. 2022: Җиңел сәнәгать предприятеләренә нинди ярдәм күрсәтелә?
"Республика бюджетыннан 140 миллион сумны без җиңел сәнәгать оешмаларына ярдәмгә җибәрдек. 57 оешма ...